Главная » 2015 » Ноябрь » 3 » Байанай алгыhынан
16:44:04
Байанай алгыhынан

Уол оҕо. Тыа уолун иитиитигэр сүрүн болҕомтону булт-алт үөрэҕэ, сиэр-туом тутуhуута ылара ордук. Аныгы кэм оҕолоро үрдүк технологияҕa умсугуйан, күhүннү, сааскы булка нaадыйбат буолан эрэллэр, ама, ыарахан күүс үлэтэ буолуо дуо. Эт-сиин өттүнэн сайдыыта суохтара итинтэн тахсар.

Уол oҕону иитиигэ аҕа оруола сүрүн миэстэни ылар. Айылҕаҕа бэйэтин кытары сырытыннаран, булт сиэрин-туомун кэпсээн, араас албастарга үөрэтэн,  эт-хаан өттүнэн сайыннаран, дьин эр киhи буола улаатыннарыахтаах. Маннык сыаллаах-соруктаах ҕ «б» кылаас иьинэн,  уол оҕоҕо уонна аҕаҕа анаан «Байанай алгыhынан» диэн тэрээhин ааста.

Алтынньы 24 күнүгэр сарсыарда, ох курдук оңостон 7 уол, ҕ аҕа, 2 кыыс, 2 ийэ буолан биир массыынанан, икки бураанынан айаммытыгар туруннубут, Суон-Тиит учаастагынан үрэххэ киирэн оннубутун булунан тэрээhиммитин саҕалаатыбыт.

Аҕалар анньыыларын ылан уолаттарга хайдах ойбон алларары көрдөрөн үөрэттилэр. Вожжов Леонтий тутатына, икки ойбону бэйэтэ алларда. Дьэ онтон бары тэллэхтэрин тэлгээн, муус аннынан балыктааhын саҕаланна. Маңнайгы көмүс хатырыктааҕы Слепцова Илона ылла, өтөр буолбата уолаттартан бастакы балыгын Атласов Яша таhаарда. Үөрүү-көтүү үксээтэ, бары ойбоннорун одуулуу сыттылар. Ол кэмнэ Албан Иванович балаакка тардан, оhох оттон үлэ угэнэ. Уолаттар балыктаан баран аҕаларыгар мас мастаан көмө буоллулар.

Итии отуу чэйин иhэ-иhэ, ийэлэр астаабыт минньигэс амтаннаах астарын аhыы олорон, булка сыhыаннаах викторинаҕа Старков Айаан өркөн өйүн көрдөрдө. Ол кэннэ саанан сыал ытан бастың Слепцов Кирилл буолла. Тоңуу хаарынан сүүрүүгэ Новгородов Сёма бастаата. Дьэ онтон, аҕалары кытта тэңңэ хомуур хапсаҕайдаан, оҕолортон Слепцов Артём тэңнээҕин булбата. Туох баар бары көрүңңэ үчүгэй көрдөрүүлээх буолан Ильин Сахамин «Дэгиттэр булчут» албан ааты сүктэ. Оҕо-аймах биир сиргэ таба олорбот, ол гынан оҕолортон, кэлиэҕиттэн салгыбакка, барыларыттан тулуурдаах, дьулуурдаах Винокурова Айгыына буолла. 

Оҕолор дуоhуйа сынньанан, балыктаан, аҕаларын кытта бииргэ сылдьыhан астынан, сыалбытын-сорукпутун ситтибит. Мантан антах тэрээhиммитин салҕаан саас айылҕаҕа тахсар былааннаахпыт, угэскэ кубулутан сылын аайы ыытарга сананныбыт.

Бу тэрээhиңңэ күүс-көмө буолбут ҕ «б» кылаас аҕаларыгар, чуолаан Албан Иванович Старковка, Руслан Владимирович Ильиңңа, Семен Семенович Слепцовка, Александр Васильевич Слепцовка уонна Василий Маевич Уваровскайга, ону таhынан ийэлэргэ Саргылаана Евгеньевна Винокуроваҕа уонна Мария Юрьевна Слепцоваҕа барҕа махталбын тиэрдэбин. 

 

 

 

Просмотров: 721 | Добавил: momasosh | Рейтинг: 0.0/0
Всего комментариев: 0
avatar