Главная » 2017 » Октябрь » 2 » Институт
14:18:46
Институт

Балаҕан ыйын 23 күнүгэр биһиги оскуолабытыгар ХИФУ фольклор уонна култуура кафедратын доцена Илларионова Туяра Васильевна уонна Олоҥхо институтун научнай сотруднига Павлова Ольга Ксенофонтовна 7-с, 9-11 кылаас үөрэнээччилэрин кытта көрсүһүү тэрийдилэр. Кинилэр Муома улууһун олоҥхотун, номохторун үөрэтэр-чинчийэр сыаллаах кэлбиттэр. Уон хонук устата оройуон нэһилиэктэринэн (Орто Дойду, Соболоох, Буор Сыһыы, Хонуу) сылдьан, олохтоох кырдьаҕас дьонуттан норуот тылынан уус уран айымньыларын хомуйдулар. Олоҥхолуур дьону испииһэкккэ киллэрэн, уопсайа, отуттан тахса олоҥхоһут Муомаҕа баар буола сылдьыбыт диэн сабаҕалыыллар, инникитин ону үөрэтэр санаалаахтар.
Чинчийээччилэр аҕам саастаах дьонтон истибит үһүйээннэрин көрсүһүүгэ кэпсээтилэр. Ол курдук ,“Кубалаах” диэн сир тоҕо итинник ааттаммытый, Уһун Турантай диэн күүстээх киһи туһунан биһиэхэ олус интириэһинэйдик сырдаттылар.Туяра Васильевна тыл уонна култуура институтун, устуодьуоннар олохторун туһунан иһитиннэрдэ.
Олохтоох ыччат дойдутун номохторун, үһүйээннэрин бэйэлэрэ үөрэтэллэрэ туһалаах диэн ыалдьыттарбыт санааларын эттилэр. Муома сирин олус сөбүлээтилэр, олохтоохтору көрсүө-сэмэй, ыалдьытымсах, үтүө санаалаах дьон диэн бэлиэтээтилэр уонна бары көмөлөспүт, өйөөбүт дьоҥҥо барҕа махталларын тиэртилэр.



Просмотров: 308 | Добавил: wrdz | Рейтинг: 0.0/0
Всего комментариев: 0
avatar