Главная » 2016 » Апрель » 22 » Хайыһар күрэҕэ
15:32:13
Хайыһар күрэҕэ

     

     Муус устар 21 күнүгэр оскуола иһинэн 7-8 кылаас үөрэнээччилэригэр хайыһар күрэҕэ ыытылынна.

    " Биирдэ өйдөөбүппүт 7-8 кылаастар эрэ хайыһарга күрэхтэспэккэ хаалбыт эбиттэр. "Күн аайы биһиэхэ эрэ тоҕо хайыһар күрэхтэһиитэ буолбат?" - диэн кулгаахпытын олус сылаталларыттан сынньанаары бүгүн күрэхтэһии ыыттыбыт. " Үнургү түргэн, сыыдам уолаттарбыт сүүрүүлэрэ харахпытыттан сүппэккэ дууһабытын, санаабытын сылаанньыта сылдьара эмиэ баар. Кинилэр бириэмэлэрин син биир тупсарбаккыт, кыаххыт, күүскүт баарынан ол да буоллар сүүрэ сатааҥ, ГТО нуорматын  кыһыл көмүскэ, үрүҥ күмүскэ, буруонсаҕа туттарарга кыһаллан көрүн " - диэн кылгас сүбэ биэрэрбитин умнубатыбыт. Ол эрээри биһиги сыыстарбыппыт, буолаары буолан олус улаханнык сыыстарбыппыт. Маҥнай быһый атахтаах кыргыттарбыт 2 килэмиэтир сүүрдүлэр. Түмүктэрэ олус туйгун, сүүрүүлэрэ да, күрэхтэһиилэрэ да олус күүрээннээх, элбэх уол бэйэлэрин кылаастарын кыргыттарыгар ыалндьан, тыраасса устатын тухары туран, сүүрэ сылдьан ыһытаабыттара, кэрэ куоларбытыгар кыахтарыгар күүс-сэниэ эппиттэрэ туох да саарбаҕа суох буолла. Субу манна кыргыттаргаГТО нуормата 14 мүнүүтэннэн кэллэххинэ кыһыл көмүскэ, 15 мүнүүтэннэн кэллэххэ үрүҥ көмүскэ туттараҕын. 

    Иннэ гынан түмүкпүтүгэр:

1 миэстэ - Слепцова Юлия, 8 А кылаас үөрэнээччитэ   13 мүнүүтэ 29 сөкүүндэ

2 миэстэ - Ефимова Иванна, 7 А кылаас үөрэнээччитэ  13 мүнүүтэ 42 сөкүүндэ

Иккиэн ГТО нуорматын кыһыл көмүскэ туттардылар.

3 миэстэ - Осипова Виола, 7 Б кылаас үөрэнээччитэ      14 мүнүүтэ 13 сөкүүндэ

4 миэстэ - Ефимова Наталья, 8 А кылаас үөрэнээччитэ  14 мүнүүтэ 19 сөкүүндэ

ГТО нуорматын үрүҥ көмүскэ туттарары ситистилэр. Маладьыастар.

 

      Уолаттарбыт, уолаттарбыт барахсаттар, куруук оҕо курдук санааммыт, улааппыттарын, эр хоһуун буолбуттарын билбэккэ сылдьыбыт эбиппит. Манна хайыһар техникатын олус туйгуннук баһылаабыт Слепцов Алеша, бастыырыгар бэйэтэ да, биһиги да, кыттааччылар да ким да саарбахтаабат этибит. Алеша улахан сыыһата олус кэннигэр турбута, онно эбии роковой охтуута буолбутун бэйэтэ да билиннэ.

      Уолаттар 3 килэмиэтир сүүрдүлэр. Манна уолаттарга 16 мүнүүтэ 30 сөкүүндэ кэллэххинэ ГТО нуорматын туттараҕын. Үнүргү күрэхтэһиигэ субу трассаҕа, субу кэккэҕэ 3 килэмиэтири 15 мүнүүтэ 9 сөкүүндэннэн кэлэн, Терешкин Эрэл,9 А кылааһын үөрэнээччитэ олус эрэллээхтик бастаабыт буоллаҕына, бу күрэхтэһиибитигэр көрдөрүүтүнэн үһүс да миэстэҕэ тиксибэтэ. Кыттыбыт уолаттарбыт хара маҥнайгыттан харса суох түһэн, буурҕа, холорук буола ытыллан олус түргэнник, элэстэнэн сүүрдүлэр. Билбэтим кинилэри ким маннык кымньыылаан түргэтэппитин. Сэрэйэбит эрэ. Кэрэ куоларбыт анаан, көрө ыалдьа кэлбиттэрэ, күрэхтэһиибитин биллэн турар олус киэргэттилэр, уолаттарбытыгар күүс-эрчим эптилэр.

     Уолаттарбыт да түмүктэрэ олус туйгун буолла. 

1 миэстэ - Стручков Андрей, 7 В кылаас,   12мүн 43 сөк.

2 миэстэ - Слепцов Алеша, 7 В кылаас,     13 мүн 5 сөк.

3 миэстэ - Соркомов Николай, 7 А кылаас, 14 мүн 2 сөк.

4 миэстэ - Слепцов Павел, 8 А кылаас,      15 мүн 21 сөк.

5 миэстэ - Винокуров Мичил, 7 Б кылаас,   16 мүн 8 сөк.

6 миэстэ - Слепцов Гавриил, 7 А кылаас,    16 мүн 21 сөк.

      Бары ГТО нуорматын КЫҺЫЛ КӨМҮСКЭ туттарары ситистилэр. Атын уолаттарбыт үрүҥ көмүс, буруонса значуоктарга туттарбыттарын бэлиэтиэм этэ. 

      Арай бачча үчүгэй күрэхтэһиибит олус түргэнник бүппүтүттэн астыммахха хааллыбыт.

     Уолаттарбыт, кыргыттарбыт маладьыастар! "

 

Тиэкиһи бэлэмнээтэ - Слепцов Федот Николаевич, физкультура учуутала.

 

 

 

 

 

 

Просмотров: 536 | Добавил: gelyasolntse | Рейтинг: 0.0/0
Всего комментариев: 0
avatar