Главная » 2015 » Декабрь » 13 » Сардаҥа саас
23:25:42
Сардаҥа саас
Ахсынньы 10 күнүгэр Муома орто оскуолатыгар Сардаҥа саас диэн 15 саастаах оҕолорго сахалыы сиэр-туом ыытылынна. 15 саастаах уол-кыыс о5о айыытын уота сарданаран тахсан таска биллэ-косто сылдьар кэмэ. Уоллаах кыыс айылҕаларынан курдаттыы тардыһар, ыраахтан харахтарын быраҕан көрсөр, харахтарынан хайҕаһар, кыҥастаһар, бүтэйдии кэтэсиһэр кэмнэрэ. Сардаҥа уота сыдьаайарыттан кыыс оҕо кэрэтэ өтөн тахсар, уол оҕо хоһууна күүркэйэр. Бу күн 9-с кылаас үөрэнээччилэрэ төрөппүттэрин кыттта сахалыы таҥас кэтэн, өбүгэбит аһын астаан аҕалан саха тылын кабинетыгар муһуннулар. Оскуолабыт төрүт культуратын учуутала Винокурова С.Е. үрүҥ сылгы дэйбииринэн оҕолору киртэн-хохтон, дьайтан ыраастаата. Олохтоох алгысчыт Василий Гаврильевич утуо тыллаах алгыһын кэлбит дьоҥҥо иҥэрдэ. Бу бэлиэ күҥҥэ оҕолор өбүгэ оонньууларын үөрэ-көтө оонньоотулар, истиҥ иһирэх эҕэрдэ тылларын иһиттилэр.
Просмотров: 1142 | Добавил: amirvinokurov | Рейтинг: 5.0/1
Всего комментариев: 0
avatar