Главная » 2017 » Октябрь » 4 » СПЛАВ- 2017
18:07:15
СПЛАВ- 2017

СПЛАВ- 2017

Биhиги кылааспытыгар, бэhискылаастансаҕалаан, күhүн уоннасаас,куруутунайылҕаҕатахсарбыт,  ханкылыырбыт, «Ю»-хайаҕатахсансырылыырбыт, отонхомуйарбытбарытаүтүѳүгэсбуолла. 

Бастакы улахан тэрээhиммит 5-с кылааскаэтэ. ОнноаҕаларбытынкыттаБайанайыйыгаранаан,кылаассалайааччыбыт подледка5а тахсыынытэрийбитэ.Былырыынэмиэбарыахтаахпытынхаллааммыттуранбиэрбэккэсатаанбарбатахпыт.

Онтон быйыл, бастакы чиэппэргэ биһиги кылааспытынан аан бастаан уунан устан (сплавтаан) кэллибит. Онно биһиги элбэх буолан сырыттыбыт, оҕолор, төрөппүттэр уонна салайааччылар. Уопсайа, үс катамараанынан сырыттыбыт: алта миэстэлээх уонна түөрт миэстэлээх. 

Бастаан биһиги икки чааска Суон Тииккэ мустубуппут. Ол кэннэ улахан массынанан Кумах Сыһыыга тиийбиппит. Онно улахан дьон катамараннары бэлэмнии сылдьар этилэр. Биһиги кинилэргэ көмөлөспүппүт. Бараары туран сирбитин аһатан, малбытын үллэстэн баран айаҥҥа туруммуппут. Баар дьон үс гына арахсан аат толкуйдаммыппыт. Биһиги хамаандабыт аата “Летучий голландец” диэн этэ, хамандыыр Анна Матвеевна. Иккис хамаанда “Пираты Карибского моря”- Николай Пантелеймонович, үһүс хамаанда “Черная каракатица” диэн, хамандыыр Леонид Алексеевич. Дьэ, онтон айманан-тэринэн барбыппыт.

Аан бастаан катамаранна олорон эрдэри киһи син биир сатаабат, ол иһин эрдэргэ үөрэнэ-үөрэнэ барбыппыт. Кэлин сатаан син эрдэр буолбуппут. Онно, кылаабынайа, хамаанда үлэтэ наада, бары бииргэ эрдиннэххэ катамаран түргэнник уонна көнөтүк айанныыр буолар. Кэнники олорор киһи урууллуур, онуоха эрдиигин ууга уган ылаҕын, ону “табань” дииллэр. Онтон бары биир арыыга түһэн отоннообуппут, ол кэннэ улахан дьон миин астаабыттара. Ас буһуор диэри остуол тардан, “Зомби” диэн оонньууну оонньообуппут. Дьэ, ол кэннэ мииммит буһан бары остуолга олорон наһаа минньигэстик аһаан, күүс-уох ылынан баран салгыы айаммытыгар туруммуппут. Үчүгэй баҕайытык кэпсэтэ-кэпсэтэ баран испиппит, онтон аргыый аҕай халлааммыт хараҥарбыта, туох да көстүбэт буолбута. Онуоха икки улахан катамараммыт икки аҥы барбыттара, биир катамаран сүүрүк устун устубута. Онно бииргэ үөрэнэр уолум Леонтий Вожжов от күөҕэ өҥнөөх дождевиктаах этэ. Биһиги хамандыырбыт Анна Матвеевна ол диэки көрөн бардыбыт диэбитигэр, биһиги, оҕолор, сөбүлэспиппит. Ол баран иһэн мастарга уот умайарын көрбүппүт. Ону көрөн ол диэки эрдибиппит. Тиийбиппитигэр төрөппүттэрбит кэлбиттэр этэ уонна элбэх массыыналар фараларын тыктаран тураллара. Биэрэккэ тохтооммут бары хаартыскаҕа түспүппүт. Дьиэбитигэр үөрэн-көтөн, дуоһуйан, төрөппүттэрбитин кытта тиийбиппит. Мин кылаас салайааччыбар Анна Матвеевнаҕа, салайан илдьэ сылдьыбыт Леонид Алексеевичка, төрөппүттэргэ маннык интэриэһинэй мүлчүргэннээх түгэни бэлэхтээбиккитигэр махтал тылын биллэрэбин. Өссө даҕаны маннык айылҕалыын алтыһар тэрээһиннэр салҕана турдуннар!

Винокурова Айгыына,

Муома орто оскуолатын 7 «б» кылааһын үөрэнээччитэ.

Просмотров: 107 | Добавил: amirvinokurov | Рейтинг: 5.0/1
Всего комментариев: 0
avatar