Главная » 2015 » Октябрь » 26 » Тымтык саас
19:15:08
Тымтык саас

Тымтык саас – 13 сааһы бэлиэтиир сахалыы сиэр-туом

 

Алтынньы 22 кунугэр Муома орто оскуолатыгар  «Тымтык саас» диэн 13 саастарын быйыл туолар оҕолорго сиэр-туом ыытылынна. Бу тэрээhин сыала-соруга: оҕо төрут культуратын билиитэ, омук быhыытынан киэн туттуута, сахалыы сиэр-майгы өттунэн сайдыыта. 13-15 сааһы хабар кэм “Тымтык саас” диэн ааттанар. Бу сааһыгар оҕо төрүт култууратын сүрүн өттүн билэр, ылыммыт ис хоһоонун толору өйдүүр буолар. Уол о5о эр киhи ис-тас улэтин толору улэлэhэр, булка-алка, окко-маска тэҥҥэ сылдьыhар, оттомурар, толкуйдуура олоҕурар. Кыыс оҕо кыыс быhыыланар, кэмчиэрийэрэ, кыбыстанньана-сэмэйэ киирэр. Ийэтин кытта астаһар, таҥаһы-сабы тиксэр, барыны-бары сатыыр буолар.

Туомҥа мустубут бары оҕолору алгыска кыттыстыннар диэн оскуола төрүт культуратын учуутала Винокурова С.Е. чуорааннаах үрүҥ сылгы дэйбииринэн ыраастаата. Ол кэннэ олохтоох алгысчыт Слепцов В.Г. үтүө тыллаах алгыс тылын кэлбит дьоҥҥо анаата. Алгыс тылын кэннэ тэс бэрсии туома ыытылынна. Онтон төрөппүттэр эрдэттэн анаан тикпит солко курдарынан уолаттары курдаатылар, хобо чуорааны кыргыттарга бэлэх ууннулар. Бу күн оҕоҕо 13 кэрдиистээх тымтыгы туттарар үгэс баар.  Тымтык  суолтата - туох эмэ бэлиэ тугэҥҥэ ууруна сылдьан эбэтэр туох эмэ ыра санааны санаан баран уматтахха ол ыра туолар диэн. Бу күн оҕо барыта тымтык тутан үөрүүлэрэ үрдээтэ. Манна кэлбит бар дьон сахалыы сиэринэн  оһуохай үнкүүтүгэр кыттыстылар. Оһуохай тылын 7 кылаас үөрэнээччилэрэ Слепцов Гавриил, Неустроева Диана эттилэр. Тэрээһин сахалыы амтаннаах астаах мааны остуолунан, өбүгэбит оонньуутунан түмүктэннэ.

Бу дьоро киэһэни  Муома орто оскуолатын  саха тылын уонна төрүт культуратын методическай холбоһугун учууталлара: Винокурова С.Е, Данилова Т.И, Николаева А.К тэрийэн ыыттылар.

“Тымтык саас” тэрээһиҥҥэ көхтөөх кыттыыны ылбыт 7 кылаас бары төрөппүттэригэр, кылаас салайааччыларыгар, оҕолорго барҕа махталбытын тиэрдэбит.

 

 










 

 

 

Просмотров: 912 | Добавил: momasosh | Теги: тымтык саас, саха тыла | Рейтинг: 0.0/0
Всего комментариев: 0
avatar