Главная » 2018 » Март » 5 » «Уол оҕо - кус быһый, ат бөҕө»
22:10:44
«Уол оҕо - кус быһый, ат бөҕө»

Олунньу 23-24 күннэригэр Муома орто оскуолатыгар оройуоннааҕы «Уол оҕо - кус быһый, ат бөҕө» өбүгэлэр оонньууларын күрэҕэ ыытылынна. Бу күрэххэ улуус 4 оскуолатын чулуу уоланнара 11 араас национальнай оонньууларга күөн көрүстүлэр.
5-11 кылаас уоланнара алта хамаанданан күөн көрүстүлэр: «Дохсун», «Урааҥхай», «Мохсоҕол» - МОО,  «Боотур» - ИОО, «Дыгын» - ОДОО, «Бэдэр» - СОО. Өбүгэбит оонньууларын 11 көрүҥүнэн (ойбонтон уулуур, көтөх ынаҕы туруоруу, тутум эргиир, хороҥ оту үрдүнэн ойуу, кырынаастыыр, үрдүгү ойуу, быа былдьаһыыта, оҕус икки чөҥөчөк икки, кулун тардыы, ат сүүрдүүтэ, кыаһылаах сырсыы) биэс уонча уол оҕо күүһүн, кыаҕын холонно. 
Күрэх түмүгүнэн Муома орто оскуолатын үс хамаандата бириистээх миэстэҕэ тигистэ: I - «Мохсоҕол», II - «Урааҥхай», III - “Дохсун». Биирдиилээн көрүҥнэринэн Терешкин Эрэл (көтөх ынаҕы туруоруу), Хабаров Сергей (тутум эргиир), Соркомов Коля (хороҥ оту үрдүнэн ойуу), Жирков Женя (кырынаастыыр, кулун тардыы, үрдүгү ойуу), Вожжов Максим (оҕус уонна чөҥөчөк) бастаатылар. Бириистээх миэстэҕэ Королев Руслан, Слепцов Артем, Слепцов Гавриил, Ефимов Пана, Винокуров Мичил, Кугасов Стас (ИОО), Никулин Игнат (ИОО), Никулин Алеша (ИОО), Хабаров Коля (СОО) тигистилэр. Оттон “Уол оҕо – кус быһый, ат бөҕө” үрдүк аатын МОО 11 “б” кылааһын үөрэнээччитэ Жирков Женя ылла! Киниэхэ добун сурук, сахалыы кур, планшет туттарылынна.
Күүстээх-уохтаах уоланнарбыт өссө да эт-хаан өттүнэн бэлэмнээх, хоодуот санаалаах буоллуннар.

 

Просмотров: 262 | Добавил: wrdz | Рейтинг: 0.0/0
Всего комментариев: 0
avatar