Главная » 2015 » Ноябрь » 16 » Встреча с Кривошапкиным А.В.
20:12:16
Встреча с Кривошапкиным А.В.

Сэтинньи 10 күнүгэр Муома орто оскуолатыгар норуодунай суруйааччы, СР культуратын үтүөлээх улэһитэ, СР үөрэҕириитин туйгуна, Хотугу омуктар ассоциацияларын президенэ,  Саха Республикатын, Муома, Кэбээйи, Эбээн Бытантай улуустарын бочуоттаах гражданина А.В.Кривошапкины кытта 75 сааhыгар анаммыт көрсүhүү буолан ааста.

Эбээн норуотун култууратын өрө көтөҕөр олохтоох суруйааччылар Е.Н.Бокова, М.П.Федотова-Нулгынэт, Муома улууhун баhылыгын солбуйааччыта Х.П.Кривошапкина,  хотугу омуктар ассоциацияларын чилиэнэ П.С. Румянцев Андрей Васильевиhы арыаллаан оскуолаҕа киирбиттэрэ. Убаастанар ыалдьыттары оҕолор уонна учууталлар төрүт омук амтаннаах аһынан күндүлээн, сахалыы, эбээннии эҕэрдэ тылынан истиҥник көрүстүбүт. Саха тылын кабинетыгар истиҥ иһирэх кэпсэтии буолла. Үөрэнээччилэр А.В.Кривошапкин хоһооннорун нууччалыы-сахалыы ааҕан иһитиннэрдилэр, суруйааччы олоҕор, айар үлэтигэр сыһыаннаах үгүс интэриэһинэй ыйытыыны биэрдилэр. Андрей Васильевич бэйэтин айымньыларын, кинигэлэрин билиһиннэрдэ. Олохтоох мелодист Евдокия Бокова автор тылыгар айбыт ырыатын олус сэргэхтик ыллаан дьон болҕомтотун тарта. Бу күн оскуола иһигэр эбээн тэтимнээх ырыата дуораһыйда, хотугу таҥастаах оҕолор бэйэлэрин омуктарын тылын сэргээн иһиттилэр. 

Муома орто оскуолатын директора Мартынов С.Н. Андрей Васильевич Кривошапкиҥҥа эҕэрдэ тылын эттэ уонна быйылгы сылтан оскуола иһигэр эбээн тылын үөрэтэр бөлөх арыллан үлэтин саҕалаата диэн иһитиннэрдэ. Ытыктабыллаах суруйааччыга 9 кылаас үөрэнээччитэ Жиркова Тома сыалыһар тириитинэн бэйэтэ оҥорбут  хартыынатын бэлэх уунна.

Саха сирин биллиилээх суруйааччытын кытта көрсүһэн бу күн мустубут бар дьон үөрүүлэрэ үрдээтэ.

Просмотров: 594 | Добавил: momasosh | Рейтинг: 0.0/0
Всего комментариев: 0
avatar